Henrik Miltzow

Notater:

Miltzow-ætti paa Voss, Arfinn Finne: Han gjekk skulevegen og vilde verta prest. Fyrst gjekk han paa skule i Bjørgvin, las so ei tid ved universitetet i København og vart student i 1619. So bar det til eit par universitet i utlandet, fyrst til Edinburgh og so, i 1621, til Rostock. Aaret etter kom han heimatt til Bjørgvin. Der var han so ei tid høyrar ved latinskolen. Henrik høyrde til ei baade rik og vyrd ætt, og det gjekk snart det gjetord um han, at han var ein uvanlig lærd mann. Den 31 aug. 1623 vart han kalla til sokneprest paa Voss. Han var daa berre 24 aar gamall. Han gifte seg med den unge enkja etter fyremannen i embættet, Anders Buch. Det kann godt henda at dette hadde sitt aa segja ved utnemningi. Ho heitte Kristense, og var dtr. til futen i Hardanger, Mads Jørgensen. H.M. var til vissa ein lærd og dugande prest og ein høgvyrd mann. Han var strengt rettruande og tok det nøgje med embættsførsla. I 1642 vart han prost i Hardanger prosti. I 1645 vart han vald til sendemann for prestane i Bjørgvins bispedøme til stendermøtet som stathalder Hanibal Sehested hadde kalla saman paa Akershus. H.M. var ogso utanfor si embættsførsla ein framtøk og trurøkjen mann, som gjorde mykje godt i kyrkjelyden. Daa kyrkja var til nedfalls, kosta han vøla paa henne av eigne midlar. Men aller mest namngjeten hev han vorte av at han skipa "Vangens Enkefattighus" eller Voss Enkjeheim, som namnet no er.(1926) Og so kosta han upp "Kjeringastaavo"(seinare umbygd og paabygd til Voss Missjonshotel) og la midlar attaat til vedlikehald og drift. Daa kona døydde, gifte H. seg med Kristina, enkja etter futen paa Voss, Lauritz Andersson. Lauritz var av den kjende Heibergætti i Sogn, og hadde butt paa Lydvo den tid han var fut. Kristina var dtr. til Jakob Jørgensen, lagmann i Gulating. H.M. døydde i 1666. Bilæte av han og eine kona heng i Vangskyrkja.

Henrik giftet seg med Kristense Madsdatter ca 1628. [Gruppeskjema] [Familiediagram]

Henrik giftet seg med Kirsten Jakobsdatter Gyntersberg ca 1652. Kirsten (datter av Lagmann i Gulating Jakob Jørgensen) døde ca 1682. [Gruppeskjema] [Familiediagram]